8 июня 2020 г., в день Святого Духа, праздничное богослужение состоялось в монастыре Преподобных Сергия и Германа, Валаамских чудотворцев (Волжское благочиние).
Божественную литургию совершил иерейским чином епископ Калачевский и Палласовский Иоанн.
Напомним, что понедельник, следующий после Троицы, совершается праздник в честь Святого Духа.
Моли́тва
Царю́ Небе́сный, Уте́шителю Всеблаги́й, Ду́ше И́стины, от Отца́ предве́чно исходя́й и в Сы́не вы́ну почива́яй, незави́стный Исто́чниче дарова́ний боже́ственных, разделя́я их коему́ждо, я́коже хо́щеши, И́мже и мы недосто́йнии освяти́хомся и назна́менани есмы́ в день креще́ния на́шего! При́зри на моли́тву раб Свои́х, прииди́ к нам, всели́ся в ны, и очи́сти ду́ши на́ша, да бу́дем угото́вани в жили́щи Пресвяты́я Тро́ицы. Ей, о Всеблаги́й, не возгнуша́йся на́шея нечистоты́ и ран грехо́вных, но исцели́ я всеврачу́ющим Пома́занием Твои́м. Просвети́ наш ум, да разуме́ем суету́ ми́ра и я́же в ми́ре, оживи́ на́шу со́весть, да немо́лчно возвеща́ет нам я́же подоба́ет твори́ти и я́же отмета́ти, испра́ви и обнови́ се́рдце, да не источа́ет день и нощь помышле́ний злых и жела́ний неподо́бных. Укроти́ плоть и угаси́ росоно́сным Дыха́нием Твои́м пла́мень страсте́й, и́мже помрача́ется в нас драгоце́нный О́браз Бо́жий. Ду́ха пра́здности, уны́ния, любонача́лия и праздносло́вия отжени́ от нас, пода́ждь же нам Ду́ха любве́ и терпе́ния, Ду́ха кро́тости и смире́ния, Ду́ха чистоты́ и пра́вды, да испра́вив разсла́бленная сердца́ и коле́на, неле́ностно тече́м по пути́ за́поведей святы́х, и та́ко избега́я вся́каго греха́ и исполня́я вся́ку пра́вду, сподо́бимся улучи́ти кончи́ну ми́рну и непосты́дну, вни́ти в Иерусали́м Небе́сный, и Та́мо покланя́тися Тебе́ ку́пно со Отце́м и Сы́ном, поя́ во ве́ки веко́в: Тро́ице Свята́я, сла́ва Тебе́. Ами́нь.
